Бишкектин Жал кичирайонунда адам өлтүрүү фактысы боюнча кылмыш иши козголду. Бул тууралуу Ленин райондук ички иштер башкармалыгынан кабарлашты.
Маалыматка караганда, 28-июлда саат 21:40 чамасында бир аялдын өлүмү тууралуу милицияга маалымат түшкөн. Маркумдун өздүгү такталып, ал 40 жаштагы Ш.М. экени аныкталган. Киши колдуу болгону такталып, экспертиза дайындалды .
Кылмышка шектүү катары 32 жаштагы Р.Э. кармалды. Тергөө иштери уланууда.