Баңгизаттарды мыйзамсыз жүгүртүүгө каршы күрөшүү кызматы 6 айда аткарган ишмердүүлүгүнүн жыйынтыгын чыгарды. Ага ылайык, 6 айда ички иштер органдары тарабынан 753 баңгизат кылмышы аныкталып, 5 тоннадан ашык баңгизат, психотроптук заттар жана прекурсорлор мыйзамсыз жүгүртүүдөн алынган.
Ошондой эле аталган мезгил аралыгында баңгичиликтин алдын алуу багытында 180ден ашык иш-чара өткөрүлгөн.
Мындан сырткары, 6 айда ишти начар уюштургандыгы үчүн бир нече облустук башкармалыктын жетекчилери жана кызматтын бир катар кызматкерлери дисциплинардык жоопкерчиликке тартылган.