Бишкек-Чолпон-Ата багыты боюнча кошумча 20 кичиавтобус, 8 автобус даярдалды. Бул тууралуу Жол кыймылынын коопсуздугун камсыз кылуу башкы башкармалыгы кабарлады.
Күндүн катуу ысыганына байланыштуу Бишкек шаарынан Ысык-Көл облусуна каттаган жарандардын жана туристтердин каттамы көбөйүүдө. Бишкектеги автобекеттерде Ысык-Көлгө каттаган жеңил унаалардын жана маршруттук унаалар жетишсиз болууда.
Буга байланыштуу жүргүнчү ташуучу фирмалардан 20га жакын маршруттук унаа жана 8 автобус сүйлөшүү жолу менен алынып, Бишкек-Чолпон-Ата каттамына киргизилди.