Кыргызстандык балбан, дүйнө чемпиону Айсулуу Тыныбекова Венгрияда өтүп жаткан эл аралык рейтингдик мелдеште алтын медаль утту. Бул тууралуу Дене тарбия жана спорт департаментинен билдиришти.
Тыныбекова 62 кг салмакта мелдештин 1/16 финалынан баштап катышты.
Кыргызстандык балбан алтын үчүн кармашта болгариялык Биляна Дудова менен кез келип, аны 2:1 эсебинде утту.
Кыргызстандын эркин жана кыз-келиндер күрөшү боюнча улуттук курама командаларынын мүчөлөрү Венгриянын Будапешт шаарында 13-16-июль күндөрү өтүп жаткан эл аралык рейтингдик мелдешине катышууда.