Быйыл билим берүү тармагына 65,3 млрд сом каражат бөлүнөт. Бул тууралуу Каржы министрлигинен билдиришти.
Маалыматка караганда, билим берүү тармагына бөлүнгөн каражат 2020-жылга салыштырмалуу эки эсе көбөйгөн.
Билим берүүгө бөлүнгөн каражаттарга токтоло турган болсок, 2019-жылы 32,6 млрд сом же ИДПга карата 5,5% болсо, 2020-жылы 36,2 млрд сом же 6,0%. Ал эми 2021-жыл — 40,7 млрд сом же 5,6%, 2022-жылы 63,2 млрд сом же 6,9% бөлүнсө, 2023-жылы 65,3 млрд сом же ИДПга карата 7,0% каражат бөлүнөт.
Мындан тышкары, билим берүү тармагына республикалык бюджеттен социалдык инфраструктураны өнүктүрүүгө кражаттар бөлүнгөн. Капиталдык салымдар боюнча 2019-жылы 1,9 млрд сом бөлүнсө, 2020-жылы 1,2 млрд сом бөлүнгөн. Ал эми 2021-жылы 1,9 млрд сом 2022 -жылы 5,7 млрд сом сарпталган.