Тамак-ашты келемиш аралап жүргөнү видеого түшүп калган «Рахат лукум» кафеси аныкталган санитардык эреже бузууларга байланыштуу жабылды.
Бул тууралуу Мамлекеттик санитардык-эпидемиологиялык көзөмөл департаменти «Маралга» билдирди. Кафе санитардык эреже бузуулар жоюлмайынча жабык болот.
«Калктын саламаттыгын сактоо жөнүндө» мыйзамга ылайык, Борбордук мамлекеттик санитардык-эпидемиологиялык кызмат тамак-аш азыктарынын коопсуздугун камсыздоо максатында мекемени жабууга укуктуу.