«Ысык-Көл» эл аралык аэропортунда Казакстандын Алматы шаарынан жайкы туристтик сезондо ачылган биринчи аба каттамы аткарылды. Бул тууралуу «Манас» эл аралык аэропортунан кабарлашты.
Qazaq Air авикомпаниясы Алматы-Тамчы каттамы боюнча 71 жүргүнчүнү жеткирди. Ал эми Тамчы — Алматы багытында 30 жүргүнчү учту.
Аба каттамы үзгүлтүксүз түрдө жумасына 2 жолу – жума жана дүйшөмбү күндөрү аткарылат.
Qazaq Air авикомпаниясынын сайтындагы маалыматка караганда, Алматы – Тамчы түз аба каттамынын баасы эки тарапка тең 160 доллардан башталат.
Алматы 11:40 — Тамчы 12:40
Тамчы 13:40 — Алматы 14:55.
Жайкы туристтик мезгил учурунда Ысык-Көлдөн Өзбекстандын Ташкент шаарына да аба каттамдары иштейт.