«Баткен» бажысынын аткезчиликке жана бажы эрежелерин бузууга каршы күрөшүү бөлүмүнүн кызматкерлери тарабынан товарларды мыйзамсыз алып өтүү фактысы аныкталды.
Кыргызстандын жараны Э.Д.Анын башкаруусундагы Mercedes-Benz үлгүсүндөгү унаанын жүк бөлүгүн кароо учурунда, ЕАЭБ аймагына ташып келүүнүн мыйзамдуулугун тастыктаган жүк коштоочу документтери жок айнек товарлары аныкталган.
Жүктүн жалпы салмагы 15 484 кг, орточо базар баасы 2 259 750 сомду түздү.
Материалдар Баткен облусунун прокуратурасына өткөрүлүп берилди.