Тажикстандын аймагында 29-июнда саат 10:57де очогунда күчү 6 баллга жеткен жер титирөө катталып, ал Кыргызстандын түштүгүндөгү эки облуска сезилди. Бул тууралуу Кыргызстандын Улуттук илимдер академиясынын Сейсмология институтунан билдиришти.
Институттун маалыматына ылайык, жер титирөөнүн очогу Баткен шаарынан түштүк-чыгышты карай 320 чакырым, Ош шаарынан түштүктү карай 335 чакырым алыстыкта жайгашкан.
Түштүк облустарда жердин силкинүүсү 2,5 баллга чейин катталды.