Мамлекеттик жана муниципалдык кызматкерлердин күнүнө карата чыккан Жарлыкка ылайык, Министрлер кабинетинин төрагасынын орун басары Эдил Байсаловго мамлекеттик-жарандык кызматтын III класстагы кеңешчиси класстык чини ыйгарылды.
Бул тууралуу өкмөттүн маалымат кызматы кабарлады.
Класстык чинди ыйгаруу күбөлүгүн Министрлер кабинетинин төрагасы Акылбек Жапаров тапшырды.
Бүгүн, 23-июнь — мамлекеттик жана муниципалдык кызматкерлердин кесиптик майрамы.
Жогорку Кеңештин 22-июндагы жыйында министрлер кабинетинин төрагасынын орун басары Эдил Байсаловдун отставкасы каралган. Депутаттар талкуудан кийин президентке аны кызматтан алуу сунушун жөнөткөн.