«Талас» аэропортунун жаңы аэробекетинин курулушу башталды. Бул тууралуу облустук администрациядан билдиришти.
Келечек урпактарга кайрылуу жазылган кутуча салуу иш-чарасына президенттин Талас облусундагы ыйгарым укуктуу өкүлү Нурлан Дарданов, Талас шаарынын мэри Эрмат Жумаев жана «Манас» эл аралык аэропорту» ААК башкармалыгынын төрагасы Манасбек Самидинов катышты.
Белгилей кетсек, аэробекеттин жалпы аянты 662,60 чарчы метрди түзөт. Жаңы аэробекет имараты саатына 100 жүргүнчүнү кабыл алып, тезирээк жана натыйжалуу тейлөөнү камсыздай алат.
Имараттын курулушун 2023-жылдын аягына чейин бүткөрүү пландалууда.
