Бишкек шаардык соту 14-июндагы чечими менен абактагы саясатчы Равшан Жээнбековдун жубайы Салкынай Алимбаеваны камакта калтырды. Буга чейин райондук сот аны эки айга камакка алуу боюнча чечим чыгарган.
25-майда Кемпир-Абад иши боюнча абакта жаткан саясатчы Равшан Жээнбековдун жубайы Салкынай Алимбаева кармалып, УКМКнын тергөө абагына камакка алынган. Жактоочунун маалыматына караганда, Алимбаева «коррупция» беренеси менен айыпталууда.
Равшан Жээнбеков Бишкектеги №1 тергөө абагында отурат. Ал былтыр 23-октябрда «массалык башаламандык уюштуруу» беренесинин негизинде отузга жакын саясатчы, жарандык активисттер менен чогуу камалган.