Жалал-Абад облусунун Ала-Бука райондук прокуратурасынын улук тергөөчүсү пара алууга шектелип кармалды. Бул тууралуу Улуттук коопсуздук мамлекеттик комитети билдирди.
Улук тергөөчү А.А.К. өзү тергеген О.Э. аттуу жарандын Ала-Бука райондук сотунда каралып жаткан кылмыш ишин оң жагына чечип берүү үчүн пара сураган.
УКМК менен Башкы прокуратура жүргүзгөн операциянын алкагында улук тергөөчү А.А.К. бүгүн, 14-июнда 100 миң сом алып жаткан жеринен колго түшүрүлгөн.
