Жогорку Кеңеш 14-июндагы жыйынында «Прокуратура жөнүндө» конституциялык мыйзамга өзгөртүүлөрдү киргизүү тууралуу мыйзам долбоорун экинчи окууда колдоду.
Мындан тышкары «Кылмыш-процесстик кодексине өзгөртүүлөрдү киргизүү тууралуу» мыйзам долбоору да экинчи окууда кабыл алынды.
Президенттик администрация Башкы прокуратурадан тергөө укугун алууну сунуштаган мыйзам долбоору 20-апрелде коомдук талкууга коюлуп, кызуу талаш-тартыш жараткан.
Демилгечилер прокуратура органдарында тергөөдө коррупциялык көрүнүштөрдү жана кызыкчылыктардын кагылышынын алдын алуу, укук коргоо органдарындагы тең салмактуулукту камсыздоо максатын көздөй турганын билдирген.