Кыргызстандын Билим берүү жана илим министрлиги менен Кембридж университетинин Европа жана Азия боюнча билим берүү реформасы департаментинин ортосунда өз ара түшүнүшүү жөнүндө меморандумга кол коюлду.
Ведомствонун басма сөз кызматынан кабарлашкандай, документке билим берүү жана илим министри Каныбек Иманалиев менен Кембридж университетинин Европа жана Азия боюнча билим берүү реформасы департаментинин башчысы Стив Кинг кол койду.
Меморандумдун алкагында окуу китептерин улуттук окуу планына жана баалоого шайкеш келтирүү менен басып чыгаруу боюнча жумушчу топ түзүлүп, иштер жүргүзүлмөкчү.
Министр китептердин алгачкылары Ысык-Көл облусунда ачыла турган президенттин IT-академиясында окутула баштарын белгиледи.