Мамлекеттик чек аранын кыргыз-казак тилкесинде жайгашкан «Ак-Тилек-автожол» көзөмөл-өткөрүү пунктунун алдында саат 14:00гө карата унаалардын топтолушу байкалууда.
Бул тууралуу УКМКнын Чек ара кызматы кабарлап, өткөрүү пункттары штаттык режимде иштеп жатканын билдирди.
Жүк ташуулардын көбөйүшү айыл чарба продукциясын Кыргызстандын аймагынан экспорттоого байланыштуу болууда.
Кыргыз-казак тилкесиндеги башка өткөрүү пункттарында адамдардын жана унаалардын топтолушу катталган жок.
Чек ара кызматы Кыргызстан тараптан жүк ташуучуларга чек ара көзөмөлүнөн өтүүдө эч кандай чектөөлөр жок экенин белгилейт.