Медицина кызматкерлеринен куралган «Ден соолук» футбол командасы «Мурас» турниринде уткан 400 миң сомду ден соолугу өксүк балдарды дарылоо борборуна которот. Бул тууралуу Саламаттыкты сактоо министрлиги билдирди.
Чечимди министрлик 1-июнь — Балдарды коргоонун эл аралык күнүнө карата турнирдин катышуучулары менен кеңешип кабыл алган. Мындагы максат ден соолугу өксүк балдарды коргоо, аларга кам көрүү экени айтылат маалыматта.
Айта кетсек, 27-28-майда футбол боюнча «Мурас» достук турниринин кезектеги оюндары өтүп, «Ден соолук» командасы чемпион аталган. Аларга Кубок менен бирге 400 миң сомдук сертификат тапшырылган.