Европа Кеңешинин президенти Шарль Мишель Кыргызстанга расмий сапар менен келет. Бул тууралуу Президенттин администрациясынын тышкы саясат бөлүмүнүн башчысы Муратбек Азымбакиев билдирди.
Анын айтымына караганда, Евробиримдиктин башчысы Чолпон-Ата шаарында президент Садыр Жапаровдун төрагалыгы астында өтчү «Европа Биримдиги — Борбордук Азия» экинчи саммитине катышат.
3-июнда Европа Кеңешинин президенти Шарль Мишелдин Кыргызстанга расмий сапары болот. Сапардын алкагында президент Садыр Жапаров менен эки тараптуу сүйлөшүүлөр пландаштырылууда. Тар жана кеңейтилген форматтарда тараптар кыргыз-европалык өнөктөштүк маселелерин талкуулашат.