Лейлек районунун Максат айылында бийиктиги 40 метр болгон флагшток орнотулду.
Туу көтөрүү иш-чарасына УКМКнын төрагасы Камчыбек Ташиев, Президенттин Баткен облусундагы ыйгарым укуктуу өкүлү Абдикарим Алимбаев жана жергиликтүү тургундар катышты.
Туу көтөрүү саамалыгы бүгүн, 28-май чек арачылар күнүнө карата уюштурулду. Буга чейин флагшток орнотууну жеке ишкерлер колдоого алганы айтылган болчу.
Максат айылы Тажикстан менен чектешип турат. Бул айыл 2021 жылы 28-29-апрелде, 2022-жылы 16-17-сентябрдагы Тажикстандын куралдуу кол салуусунда эки ирет жабыркап, айылдагы турак-үйлөрдүн 70-80%ы өрттөлүп кеткен.
Максат айылын басып алуу кандай болгон? (айыл тургундарынын айтуусунда, видео)