«Манас» эл аралык аэропорту Түркиянын AnadoluJet авиакомпаниясы менен биргеликте Анкарадан Бишкекке авиакаттам ачат. Бул тууралуу аэропорттун басма сөз кызматы кабарлады.
Маалыматка ылайык, 3-июндан тарта Анкара-Бишкек-Анкара багыты боюнча жаңы үзгүлтүксүз каттам ачылат.
Түркиянын баш калаасына аба каттамдары жумасына төрт жолу – дүйшөмбү, шаршемби, ишемби жана жекшемби күндөрү аткарылат. Ал эми август айынан тарта каттамдар күн сайын аткарыла баштайт.