Бүгүн, 25-майда Кыргызстандагы жалпы билим берүү уюмдарында «Акыркы коңгуроо» салтанаты өтүүдө.
Буга чейин кабарлангандай, салтанаттуу иш-чараларды өткөрүүдө акча чогултууларга, ошондой эле бүтүрүүчүлөрдүн жана алардын ата-энелеринин катышуусунда «Акыркы коңгуроо» салтанатынан башка иш-чараларды уюштурууга тыюу салынган.
Бишкек, Ош шаардык билим берүү башкармалыктарынын жана райондук, шаардык билим берүү бөлүмдөрүнүн жетекчилери күзөт уюштурат. Мектептен тышкары жактарда өткөрүлгөн салтанаттуу иш-чараларда окуучулардын өмүрүнүн коопсуздугуна ата-энелер жооптуу болот.
Буйрукту аткарбаган билим берүү уюмдарынын жетекчилерине кызмат орундарынан бошотууга чейинки тартиптик чаралар көрүлөт.
Былтыр «Акыркы коңгуроо» салтанаты 9-июнда өткөн.