«Чаткал» токой чарбасынын кызматкерлери мыйзамдарды одоно бузганын Башкы прокуратуранын маалымат кызматы кабарлады.
Чаткал райондук прокуратурасынын иликтөөсүнө караганда, токой чарбанын кызматкерлери «Э» аттуу компания менен келишим түзүп, «Каратөбө-Бузук» участогунан лицензияда көрсөтүлгөн 24,07 га жер аянтынын ордуна 42,9 га жерди 2026-жылдын 15-июнуна чейин ижарага беришкен.
Мындан сырткары бул компания лицензиялык уруксат берилген аянттан тышкары 1,50 гектар жерде мыйзамсыз алтын казуу иштерин жүргүзүп келген.
Бул фактылар боюнча Кылмыш-жаза кодексинин 337-беренеси (кызмат абалын кыянаттык менен пайдалануу) жана 218-беренеси (мыйзамсыз ишкердик же банктык иш) менен иш козголуп, учурда тергөө жүрүп жатат.