1-июндан тартып Кыргызстандын Германиядагы элчилигинин Бонн шаарындагы бөлүмү жабылат. Бул тууралуу Тышкы иштер министрлигинен билдиришти.
Буга байланыштуу Кыргызстандын Германиядагы элчилиги 1-майдан тартып Бонн шаарындагы бөлүмү жарандарды кабыл алуу жана документтерди тариздөө токтотулганын билдирди.
Эми Кыргызстандын жарандары укуктарын коргоо жана документтештирүү тууралуу жана башка суроолор боюнча Кыргызстандын Франкфурт-на-Майне шаарындагы Консулдук агенттигине же Берлиндеги элчилигинин Консулдук бөлүмүнө кайрылса болот.