30-31-май күндөрү Жалал-Абад шаарында «Энергиянын кайра жаралуучу булактарын киргизүү — Жалал-Абад облусунда туруктуу жашыл туризмди өнүктүрүү» аталышындагы Эл аралык ишкердик форуму өтөт. Бул тууралуу президенттин аталган облустагы өкүлчүлүгүнөн билдиришти.
Маалыматка караганда, ага өлкөдөгү дипломатиялык корпустун, эл аралык уюмдардын, бизнес-коомчулуктун, академиялык институттардын өкүлдөрү, жергиликтүү бийлик башчылары жана бардык кызыктар тараптар катышат.
Иш-чаранын максаты Жалал-Абад облусундагы энергиянын кайра жаралуучу булактарын пайдалануу, туризмди өнүктүрүү, инвесторлордун конструктивдүү диалогу үчүн заманбап аянтчаларды уюштуруу болуп саналат.