Сауд Аравиянын падышасы Салман бин Абдулазиз Ал-Сауд кыргызстандыктарды жана мамлекет башчысы Садыр Жапаровду Улуу Жеңиш күнү менен куттуктады.
«Жеңиш күнүн майрамдоого байланыштуу сизге чын жүрөктөн чыккан куттуктоолорумду жана эң жакшы каалоолорду, ал эми боордош Кыргызстандын өкмөтүнө жана элине ден соолук жана бакыт-таалай, мындан аркы гүлдөп-өнүгүүнү каалайм», — деп жазылган падышанын куттуктоосунда.
Ушундай эле куттуктоону Сауд Аравиянын мураскор ханзаадасы, Министрлер кеңешинин төрагасынын орун басары Мухаммад бин Салман бин Абдулазиз Ал-Сауд да жолдогон.
Кыргыз Республикасы менен Сауд Аравия Падышачылыгынын дипломатиялык алакасы 1992-жылдын 19-октябрында башталган.