Кыргызстанда быйыл жалпы республикалык тестирлөө 20-майда башталат. Бул тууралуу Билим берүү жана илим министрлигинин басма сөз кызматы билдирди.
Тестирлөө үч этап менен өтөт:
I этап: 20-21-майда (19-май — тест борборлорун даярдоо күнү);
II этап: 23-24-майда (22-май — тест борборлорун даярдоо күнү);
III этап: 23-24-июнда (жүйөлүү себептер менен тест тапшырбаган абитуриенттерге мүмкүнчүлүк).
Катталууга үлгүрбөй калган абитуриенттер үчүн 19-май, 22-май жана 22-июнь күндөрү тест борборлорунда кошумча каттоо жүргүзүлөт.
Эске салсак, Жалпы республикалык тестирлөө 2002-жылы башталган. 2012-жылдан тарта менчигинин түрүнө карабастан атайын адистештирилген окуу жайлардан тышкары бардык жогорку окуу жайга, бардык бөлүмгө (күндүзгү-гранттык жана контракттык, дистанттык) студенттерди ЖРТнын жыйынтыгы менен кабыл алуу милдетүү түрдө киргизилген.