Кыргызстандын пара дзюдо боюнча курама командасынын мүчөлөрү Астана шаарында өтүп жаткан Азия чемпионатында беш медаль жеңди. Бул тууралуу Дене тарбия жана спорт департаментинен билдиришти.
Кыз-келиндер арасында 48 кг салмак категориясында катышкан Хайитхон Хусан кызы финалдык беттештте өзбекстандык спортчу Фотима Тоирова менен кез келди. Аны 10:00 эсебинде жеңип, Азиянын чемпиону болду.
Ал эми Регина Саламатова 48 кг салмакта коло байгеге ээ болду.
Эркектер арасында 60 кг салмак категориясында Алихан Жумагулов , Темирлан Абдукаримов, 73 кг салмакта Маматибрагим Суранов коло медаль тагынышты.
Аталган мелдеш 26-апрель күнү башталган 1-майда жыйынтыкталат.