Орусияда жоголгон кыргызстандык өспүрүм табылды. Учурда ал ата-энесинин колуна келди. Бул тууралуу Тышкы иштер министрлиги билдирди.
Ушул жылдын 21-апрелинде Екатеринбург шаарында жашаган А.А. аттуу өспүрүм эртең мененки саат 7:00дө мектебине чыгып кетип, ошол бойдон үйүнө кайтып келген эмес. 22-апрелден жоголгон баланын ата-энеси Орусия ИИМинин Екатеринбург шаардык башкармалыгына арыз жазышкан.
Бул иш боюнча маалымат алган Кыргызстандын Орусиядагы элчилигинин Екатеринбург шаарындагы Башкы консулдугунун кызматкерлери баланын ата-энеси менен жолугушуп, милиция кызматкерлерине тезирээк табуу өтүнүчүн беришкен.
Табылган баланын жакындары издөөгө катышкан Башкы консулдукка, милиция кызматкерлерине, ыктыярчыларга жана бардык камкор жарандарга ыраазычылык билдиргени айтылат билдирүүдө.