Ош облусунун Кара-Кулжа районуна караштуу Мырза-Аке–Кара-Кулжа–Алайкуу унаа жолунун 82-чакырымына 22-апрель түнү таш кулап, жолду жаап калган. Бул тууралуу Өзгөчө кырдаалдар министрлиги билдирди.
Маалыматка ылайык, түнкү саат 02:00 чамасында зоо таштары кулаган, бактыга жараша жабыр тарткан жарандар жок. Кырсыктын кесепетинен чон чыңалуудагы электр чубалгылары үзүлгөн. Учурда №26 жол тейлөө ишканасынын 1 жүктөгүчү, 1 бульдозери тартылган.
Райондук ички иштер бөлүмү тарабынан тарабынан унаа жолго чектөөлөр киргизилген. Жолду ачуу иштеринин жүрүшүнөн кошумча маалымат берилет.