Бишкек – Ош унаа жолу унаалардын өтүүсү үчүн эки тараптуу ачылды. Бул тууралуу Транспорт жана коммуникациялар министрлигинен кабарлашты.
Маалыматка ылайык, унаалардын өтүүсүнө бардык чектөөлөр алынды.
«Бирок, учурда Төө-Ашуу ашуусунда кар күрткүсү жүрүп жатат. Жол куруучулар кар күрткүлөрүн тазалоо жана жолго инерттик материалдарды чачуу иштерин жүргүзүүдө», — деп айтылат маалыматта.
Кечээ, 17-апрелде аба ырайынын шарттарына байланыштуу Бишкек – Ош жолу бардык унаалар үчүн убактылуу жабылган.