Өзгөчө кырдаалдар министрлиги Каракол-Эңилчек унаа жолу бир тараптуу жабык экенин билдирди. Маалыматка караганда, 12-апрелде саат 17:12 чамасында Ак-Суу районунда Каракол-Эңилчек унаа жолунун болжол менен 83-86-чакырым аралыктарында (Чоң-Ашуу ашуусу) кар көчкү түшүп, унаа жол эки тараптуу жабылган.
Кырсык катталган жерге ыкчам топ жана №11 жол тейлөө ишканасынан 1 жүктөгүч жана 1 грейдер, 1 бульдозер тартылган. Ички иштер министрлиги тарабынан пост коюлуп, нөөмөт уюштурулган. Саат 23:30да унаа жол бир тараптуу ачылган.
Учурда тартылган техниканын жардамында унаа жолду толук тазалоо иштери жүргүзүлүүдө.