Бүгүн, 7-апрелде Бишкектин Октябрь районунун Токомбаев көчөсүндө жайгашкан курулушу бүтө элек көп кабаттуу имараттан өрт чыкты. Бул тууралуу “Маралга” күбөлөр кабарлады.
Өзгөчө кырдаалдар министрлиги өрт саат 16:13тө толук өчүрүлгөнүн билдирди. Тилсиз жоо аталган имараттын жер төлөсүнөн чыгып, андагы пеноплекс курулуш материалы күйгөн.
Өрттү өчүрүүгө жалпы 2 күжүрмөн эсеп тартылып, тилсиз жоо саат 16:00дө чектөөгө алынган. Өрт кырсыгынан жабыркагандар жок.
