8-апрелде Бишкекте Борбор Азия мамлекеттеринин элдик эстрадалык бийлеринин III эл аралык «Майрам шаңы» чемпионаты өткөрүлөт.
Иш-чара Маданият, маалымат, спорт жана жаштар саясаты министрлигинин колдоосу менен Элдик эстрадалык бийлер боюнча федерация тарабынан уюштурулуп жатат.
Максаты бий топторун, бий мектептерин колдоо, өнүктүрүүгө дем берүү, сергек жашоо образын жайылтуу, бий мугалимдеринин жана сынактын катышуучуларынын кесиптик чеберчилигин жогорулатуу, Борбор Азиянын бардык аймактарынан келген чеберлерди бириктирип, тажрыйба алмашуу болуп саналат.
Жеңүүчүлөр Алматыда өтө турган бий биринчилигине катыша алат.