Мураталы Тагаев Ысык-Көл облусунун Жети-Өгүз районунун акими кызматынан бошотулду. Бул тууралуу Президенттик администрациядан билдиришти. Тиешелүү жарлыкка президент Садыр Жапаров кол койгон.
Маалыматка караганда, Мураталы Тагаев берген арызына ылайык ээлеген кызматынан бошотулган.
Мураталы Тагаев Жети-Өгүз районунун акими болуп өткөн жылдын март айында дайындалган.
Ал 2018-жылы Жалал-Абад шаарына мэр болуп шайланып, 2020-жылы «октябрь тополоңунан» кийин отставкага кеткен.