27-мартта абанын температурасынын жогорулашына жана күтүлүп жаткан жаан-чачынга байланыштуу Кыргызстандын тоолуу райондорунда, унаа жолдордо кар көчкү түшүү коркунучу бар. Бул тууралуу Өзгөчө кырдаалдар министрлигинен кабарлашты.
Бишкек-Ош унаа жолунун 121-138 чакырымындагы Төө-Ашуу ашуусунда,
Каракол-Эңилчек унаа жолунун 45-50, 74-86 чакырымындагы Чоң-Ашуу ашуусунда,
Барскоон-Ак-Шыйрак унаа жолунун 52-68 чакырымындагы Сөөк ашуусунда,
60-94-чакырымындагы Кара-Гөө ашуусунда көчкү түшүүcү күтүлөт, жолдор тайгак болуп, муз тоңот. Унаалардын ортосундагы 500 метр аралык кыймыл чектелиши зарыл.