Бишкектин айрым аймактарында 22-23-мартта газ өчүрүлөт. Бул тууралуу «Газпром Кыргызстан» компаниясы билдирди.
Жер алдынан өткөн түтүктөрдөн газ сызылып чыгып жатканына байланыштуу айтылган күндөрү оңдоо иштери жүргүзүлөт.
Буга байланыштуу Көлмө конушундагы Дастан, Медина, Мыскал, Кулиев көчөлөрүндө, андан тышкары Лермонтов, Эсенгул Ибраев, Восток көчөлөрүндө, Ленин проспектинде, Фрунзе, Коёнкөзов көчөлөрүндө, Манас, Чүй проспектинде газ болбойт.
Компания жаралган ыңгайсыздык үчүн айтылган аймактын тургундарынан кечирим сурайт.