2022-жылдын IV кварталынын жыйынтыгы боюнча банктык карталарды колдонуу менен жалпы суммасы 170,1 миллиард сомдук 39,6 миллион транзакция жүргүзүлгөн. Бул тууралуу Улуттук банктын маалыматында айтылат.
Өткөн жылдын ушул мезгилине салыштырмалуу бүтүмдөрдүн саны 61,1 пайызга, суммасы 65,7%га өскөн. Анын ичинен, накталай акча алуу операцияларынын саны 21,4 млн транзакцияны түзүп, жалпы суммасы 137,4 млрд сом болду. Былтыркы жылдын ушул мезгилине салыштырмалуу транзакциялардын саны 43,4%, көлөмү 51,8%га өскөн.
Соода жана тейлөө ишканаларында POS-терминалдар аркылуу жүргүзүлгөн транзакциялардын суммасы 18,2 млн сом болгон. Өткөн жылдын ушул мезгилине салыштырмалуу операциялардын саны 88,5%га, көлөмү 2,7 эсе өскөн.