18-мартта «Ала-Тоо» эл аралык университети 9-11-класстардын окуучулары үчүн «Ачык эшик» күндөрүн өткөрөт. Бул тууралуу окуу жайдан кабарлашты.
Саат 10:00дө баштала турган иш-чарада окуучулар «Ала-Тоо» эл аралык университетине же IT & Business колледжине окуу үчүн жеңилдик алуу жолдору менен таанышат.
Андан тышкары окуу жайдын окутуучу-профессорлору менен баарлашып, имаратка саякат да жасай алышат. Аны менен катар Нооруз майрамына карата уюштурулган салтанатка күбө болушат.
Окуу жай Тунгуч кичирайонунда Анкара көчөсү, 1/10 дарегинде жайгашкан.