Энергетикалык алкоголсуз суусундуктарга акциз салыгы он эсе азайтылды. Бул тууралуу Мамлекеттик салык кызматы кабарлады.
Акциз салыгынын өлчөмү 2023-жылдын 1-январынан 31- декабрына чейин 1 литри үчүн 20 сомдун ордуна 2 сомду түзөт.
2024-жылдын 1-январынан баштап бул сумма 30 сомдун ордуна 3 сом болот.
Мындан тышкары 2024-жылдын 1-январынан тарта энергетикалык суусундуктарды милдеттүү түрдө маркалоо киргизилет.
Алкоголсуз суусундуктарды маркалоо – бул өндүрүмдүн мыйзамдуулугун тастыктаган натыйжалуу механизм жана калкты контрафакталык товардан коргоого багытталган.