Бишкекте бүгүн, 27-февралдан тарта №31 автобус каттамга чыгат. Бул тууралуу мэриянын басма сөз кызматы билдирди.
Жаңы автобус Ынтымак конушунан (айланма) №101 кичиавтобустун маршруту боюнча каттайт.
Линиянын узундугу 34 чакырымды түзгөн бул багытта күн сайын 15 автобус аралыгы 7 мүнөттөн каттамга чыгып турат.
№31 автобустук каттам ишке киргендигине байланыштуу №101 кичи автобустук каттам жаңы кыймыл схемасы менен жүрө баштайт.