Кыргызстандын тоолуу райондорунда 25-26-февраль аралыгында күтүлүп жаткан жаан-чачынга байланыштуу кар көчкү түшүүсү күтүлүүдө. Бул тууралуу Өзгөчө кырдаалдар министрлиги билдирди.
Маалыматка караганда Төө-Ашуу Чычкан капчыгайы, Ала-Бел ашуусу жана Өтмөк ашуусунда кар көчкү түшүүcү жана кар күрткүсү күтүлөт, жолдор тайгак болуп муз тоңот.
“Унаа жолдордо кар көчкү коркунучу бар аймактардан өтүүдө унаалардын ортосундагы 500 метр аралыкты так сактоо зарыл”, — деп айтылат маалыматта.