Кыргызстандык балбан Акылбек Талантбеков Египетте өтүп жаткан Ibrahim Moustafa эл аралык мелдешинде күмүш медаль утту. Бул тууралуу Бириккен күрөш уюмунун (UWW) сайтында айтылат.
Акылбек Талантбеков грек-рим күрөшү боюнча 82 кг салмакта күчүн сынап, финалда грузиялык Гела Болквадзеге жеңилип, күмүш медалга ээ болду.
Мелдеш 21-25-февраль күндөрү Александрия шаарында өтүүдө.
Белгилей кетсек, Египеттеги эл аралык мелдеште кыз-келиндер күрөшү боюнча Айсулуу Тыныбекова (62 кг) алтын, Айпери Медет кызы (76 кг) менен Мээрим Жуманазарова (68 кг) коло, грек-рим күрөшү боюнча Сыймык Махмудов (63 кг) жана Раззак Бейшекеев (67кг) коло медаль уткан.