Кыргызстандык жеңил атлетчи Мусулман Жоломанов Казакстанда өткөн эл аралык турнирде алтын медаль тагынды. Бул тууралуу жеңил атлетика федерациясынан билдиришти.
Маалыматка караганда, 1000 метрге чуркоодо Мусулман Жоломанов 2 мүнөт 27,43 секунд жыйынтыгы менен 1-орунду ээледи.
Мелдеш 18-февралда Казакстандын Усть-Каменогорск шаарында Олимпиада чемпиону Ольга Рыпакованын байгелери үчүн турнир өттү. Ага Кыргызстандын атынан жөө күлүктөр Мусулман Жоломанов, Николай Котляров жана Ангелина Тяпова катышкан.
Николай Котляров 60 метрге чуркоодо 7-орунду камсыздаса, ушул эле аралыкта Ангелина Тяпова бешинчи болуп, жеке рекордун орнотту.