Жаандан улам Ак-Буура дарыясындагы суунун ылайланышы нормадан жогорулагандыгына байланыштуу Ош шаарынын Юго-Восток, ХБК, Туран кичи райондорунан жана Достук, Калинин массивтеринен башка аймактарына таза суу берүү убактылуу токтотулду.
Мэриянын маалымат кызматы билдиргендей, «Ош шаардык суу канал» муниципалдык ишканасы эртең мененки саат 07:00дө сел түшкөн Озгур айылынын Кызыл-Кыштак тилкесинде тийиштүү иштерди жүргүзүүдө.
Таза суу берилгенге чейин жарандарга ичүүчү суу жеткирилип, берилери кабарланган.
Ош шаарынын тургундары ичүүчү сууну Ак-Буура дарыясынан алгандыктан, суу жаандан кийин булганса эл таза суусуз калат.