Министрлер кабинетинин төрагасы Акылбек Жапаров Өзбекстандын премьер-министри Абдулла Арипов менен телефон аркылуу сүйлөштү. Алар эки тараптуу кызматташуунун кеңири чөйрөсүн талкуулашкан.
Ошондой эле эки өлкөнүн президенттеринин сүйлөшүүлөрүнүн жүрүшүндө жетишилген макулдашууларды ишке ашыруунун жүрүшүн, биргелешкен практикалык аракеттер планынын («Жол картасы») долбоорун иштеп чыгуу тууралуу сөз болду.
Анын ичинде Кыргызстанда жана Өзбекстанда соода үйлөрүн ачуу боюнча долбоорду ишке ашыруу маселесин такташты.
Кыргызстан менен Өзбекстандын дипломатиялык мамилелеринин түзүлгөндүгүнө 30 жыл толду.