Индонезиянын Жаяпура шаарына жакын жерде болгон жер титирөөдөн кеминде 4 адам каза болду. Бул тууралуу Индонезиянын табигый кырсыктарды башкаруу боюнча улуттук агенттиги билдирди.
Маалыматка ылайык, ооруканалар жана мечиттер талкаланган. Жер титирөөдөн кийин эвакуациялангандардын саны 2136 адамга жетти.
Эске салсак, бир күн мурун, 9-февралда бул аймакта күчү 5,4 баллга жеткен жер титирөө болгон.