Сирияда каза болгондордун саны 2500дөн ашып, ал эми 4500дөн ашуун адам жаракат алган. Бул тууралуу “Reuters” маалымат агенттиги жазып чыккан.
Ал эми Сириядагы Асад режими көзөмөлдөбөгөн аймактардагы жер титирөө курмандыктары тууралуу расмий маалыматтар азырынча жок.
Жер титирөө Сириянын түндүгүндөгү Латакия, Алеппо, Идлиб жана Хама, Африн аймактарына жайылып, анда жүздөгөн имараттар кыйраган. Эл аралык басылмалардын маалыматында, качкындар жашаган лагерлер да катуу жабыркап, тамак-аш, дары-дармек жетишсиздиги маселеси ого бетер күчөгөн.
