Жалал-Абад шаарында гепатитке каршы акысыз эмдөө жүрүп жатат. Бул тууралуу шаардык мэриядан билдиришти.
Маалыматка ылайык, эмдөөдөн 23 жаштан 65 жашка чейинки жарандар өтө алат.
Мэриядан белгилешкендей, эмдөөдөн өтүү үчүн жарандар шаарда жайгашкан үй-бүлөлүк дарыгерлер тобуна кайрылып, дарыгердин көзөмөлүнөн өтүүсү зарыл. Эмдөө акысыз негизде жүргүзүлөт.
Белгилей кетсек, бүгүнкү күндө Жалал-Абад шаарында 1 миңге чукул жаран В гепатитине каршы эмдөөдөн өттү.