2027-жылы Азия Кубогун Сауд Арабиясы өткөрөт. Бул тууралуу АФКнын Манамадагы (Бахрейн) конгрессинде белгилүү болду. Азия футбол конфедерациясына (АФК) караштуу ассоциациялар Сауд Арабиянын футбол федерациясын 2027-жылы Азия Кубогуна өткөрүүчү ассоциация катары бекитти.
Сауд Арабиясы мындай континенталдык чемпионатты биринчи жолу өткөрөт.
Белгилей кетсек, Кыргызстан курама командасы тарыхта биринчи жолу 2019-жылы Азия Кубогуна катышып 1/8 финалдык баскычына чейин жетишкен.
2024-жылы Катарда өтө турган Азия Кубогуна да Кыргызстандын футболчулары катышат.
Автор: Алпамышали уулу Мирбек