Монополияга каршы жөнгө салуу мамлекеттик кызматы Кыргызстанда бензиндин баасы 5-6 сомго арзандай турганын билдирүүдө.
Мекеменин маалыматына караганда, 2023-жылдын январынан тарта бензин тобундагы күйүүчү майдын дүң баасында төмөндөө тенденциясы байкалды. Бул чекене баага да таасирин тийгизиши керек.
«Жакынкы айларда бензин 5-6 сомго арзандашы мүмкүн. Ошондой эле нефтетрейдерлерде күйүүчү-майлоочу майлардын 1-1,5 айлык запасы болушу керектигин эске алуу зарыл», — деп айтылат маалыматта.
Монополияга каршы кызматы күйүүчү-майлоочу майлардын баасын турукташтыруу жана себепсиз көтөрүүгө жол бербөө үчүн бардык чараларды көрүүдө.